إلهنا يشفي

عزيزي المستمع، عزيزة المستمعة، أهلا وسهلا فيكم في سلسلة جديدة بعنوان إلهنا يشفي.
ليش هذه السلسلة؟ لأني من فترة طويلة بقابل ناس كثير تعبانين ومرضى، وبسمع عبارات ما بلاقي إلها مكان في كلمة الله.
ناس متألمة حولي وصليت معهم، وكان نفسي أشوف ربنا يمد إيده ويشفي، بس ما صار. وبعدها أسمع منهم كلام ببيّن أنهم مستسلمين للمرض والتعب.
وكان السؤال داخلي: يا رب، ما هو الحل؟

من سنوات، واحد من رجال الله اقترح عليّ كتاب لازم أقرأه: شفاء المرضى لأوزبورن.
قرأت الكتاب أكثر من مرة، ولافت نظري إيمان هذا الرجل وفهمه لكلمة الله.
وحسّيت إنه الآن هو الوقت المناسب إني أسجّل سلسلة بعنوان إلهنا يشفي—ليس كان يشفي، بل يشفي الآن وفي هذه اللحظة.

صلاتي أن الأفكار المغلوطة تستبدل بأفكار كتابية، وصورتنا عن الله تتغير، وفهمنا للشفاء يصير مبني على كلمة الله وما عمله المسيح.
رجائي إنك تسمع الحلقات بقلب منفتح، وتنتظر لقاء من الرب، وتصلّي: يا رب غيّر حياتي، اكشف الأكاذيب اللي بداخلي، وما تقاوم كلمة الله.
ولو ربنا لمسك وشفاك، شاركنا اختبارك، لأنه ممكن يكون سبب إن شخص ثاني يختبر شفاء معجزي كمان.
ولو تأثرت بهذه السلسلة، ابعتها لحدا محتاج لمس من الرب.
هذه كانت المقدمة، وبكرا رح تكون الحلقة الأولى.
رب بارككم.

مشيئة الله في الشفاء للجميع

الأفكار الأساسية:

• الكتاب المقدس يعلن أن الله هو شافي، ليس أحيانًا أو ربما، بل طبيعة ثابتة.

• الاستشهاد بآيات واضحة من الخروج 23 و الخروج 15 تؤكد أن الله يزيل المرض ويكمل أيام الإنسان.

• المشكلة عند الكثيرين ليست في قدرة الله، بل في الشك في مشيئته.

• الإيمان ضروري للاستقبال، حسب عبرانيين 11:6.

• الشفاء موجّه لكل شخص وليس لفئة معينة.

• نهاية الحلقة تتضمّن صلاة إيمان وإعلان شفاء وتشجيع المستمع أن يعلن بكلامه أن الله شافيه.

الشك والايمان

الأفكار الأساسية:

• الشك بيعطّل الإيمان وبيمنع استجابة الرب.

• الإيمان هو الثقة إن الله يسمع ويشفي ويتدخل.

• الجروح وعدم الغفران ممكن توقف الشفاء.

• تأخر الشفاء ما يعني إن الله مش بده يشفيك.

• الشفاء معتمد على شخصية الله مش على استحقاق الإنسان.

الإيمان مش إحساس… الإيمان ثقة في كلمة الله

في هذه الحلقة من سلسلة إلهنا يشفي بنحكي عن نقطة بتغيّر طريقة تفكيرنا وطريقة صلاتنا:

هل الشفاء مربوط بمشاعري؟ ولا بثقتي في كلمة الله؟

منشوف مع بعض كيف الكتاب بيوضح إن الله ما بكذب، وما برجّع بكلمته، وإن وعوده ثابتة وما بتسقط.
بنكتشف إنه نفس الإيمان اللي بنصدق فيه غفران خطايانا… هو نفسه الإيمان اللي بنستقبل فيه الشفاء.
وبنواجه الكذبة القديمة اللي بهمّس فيها العدو إن الشفاء مش إلنا — وبنختار نصدق الحق.

في هذه الحلقة من سلسلة إلهنا يشفي بنرجع لمشهد مذهل من خروج شعب إسرائيل من مصر — أكثر من مليونين شخص خرجوا من العبودية بدون ولا واحد مريض، ولا عاجز، ولا ضعيف! ومن خلال هذا الإعلان القوي بنكتشف حقيقة مذهلة:
إذا كان الشفاء شاملاً تحت عهد أضعف وتحت دم رمزي… فكم بالحري الآن تحت دم المسيح والعهد الأفضل؟

في هاي الحلقة الجديدة من سلسلة “إلهنا يشفي” بنسأل حالنا سؤال بسيط: إذا الله فعلاً بده يشفينا… ليش مرات ما بنشوف الشفاء؟
هل المشكلة من المرض؟ من الزمن؟ ولا يمكن من فهمنا لوعد الله؟

بنرجع للجذور

حلقتنا اليوم من سلسلة «إلهنا يشفي» بتاخدنا في مقارنة بين العهد القديم والعهد الجديد، وبتجاوب على سؤال مهم:

إذا كان الشفاء حاضر بقوة في العهد القديم، فكم بالأحرى في العهد الجديد حيث الفداء كامل والوعود ثابتة؟

ما تقولش “الله كان يشفي” — الحقيقة إنه الله ما زال يشفي اليوم!

في هالحلقة بنذكّر حالنا بوعد الرب:

“أنا الرب شافيك” (خروج 15: 26)

و”يسوع المسيح هو أمس واليوم وإلى الأبد” (عبرانين 13: 8)

في هاي الحلقة من سلسلة “إلهنا يشفي“بنشوب من الكلمة

لو الشفاء بيصير فوراً؟ ولا ممكن يكون بالتدريج؟

هل المرض عقاب من الله؟

في حلقة اليوم من سلسلة إلهنا يشفي منواجه فكرة كثير ناس بتآمن فيها:

“أنا مريض لأنّي غلطت… الله بيعاقبني!”

في حلقة اليوم من سلسلة “إلهنا يشفي” رح نحكي عن حقيقة كثير ناس بتغيب عنهم:

الشفاء مش إشي جانبي… الشفاء جزء من عمل يسوع على الصليب!

الغفران والشفاء إجوا مع بعض — نفس الثمن، نفس الفداء، نفس المحبة.

اليوم بنشارك حقيقة قوية بتغيّر الطريقة اللي بننظر فيها للشفاء:

الشفاء مش إشي بيجي من برّه… الشفاء ساكن جواك!

لأنه روح الله، اللي أقام يسوع من بين الأموات، ساكن فيك… ويحيي جسدك.